Bakgrunn for arbeidet med lommebøker
Den nasjonale digitaliseringsstrategien «Fremtidens digitale Norge» slår fast at det offentlege skal tilby alle ei digital identitetslommebok med eID på høgt sikkerheitsnivå. Tildelingsbrevet frå Digitaliserings- og forvaltningsdepartementet til Digdir slår fast at arbeidet med utviklinga av lommeboka er ei av hovudprioriteringane i 2025.
Forankra i nasjonale strategiar
Noreg har en ambisiøs plan for å utvikle og innføre ei digital identitetslommebok, som ein del av den nasjonale digitaliseringsstrategien for 2024-2030. Strategien legg vekt på å modernisere offentleg sektor ved å ta i bruk digitale verktøy. Eitt av «regjeringa vil»-tiltaka er å tilby alle ei digital lommebok med eID på høgt nivå.
I tillegg har regjeringa lansert Nasjonal strategi for eID i offentleg sektor og ein tilhøyrande handlingsplan som følger opp eIDAS-forordninga frå EU som er revidert og trådte i kraft i EU i 2024 og som også er EØS-relevant. Forordninga inneber at det offentlege skal ta ansvar for å alle innbyggarar kan skaffe seg ein eID på høgaste sikkerheitsnivå og tilby dette gjennom ei digital identitetslommebok.
Handlingsplanen understreker viktigheiten av standardisering og interoperabilitet. Dette for å sikre at den digitale identitetslommeboka kan brukast på tvers av ulike offentlege tenester og plattformer.
Europeisk rammeverk
Forordninga eIDAS 2.0 set rammene for korleis Noreg kan utvikle eit robust system som er i tråd med europeiske standardar. Forordninga beskriv rammeverket for ei digital identitetslommebok (European Digital Identity Wallet, eUDIW) som inneheld ein eID på høgaste sikkerheitsnivå og elektroniske attesterte attributtar ("bevis"), og som skal kunne brukast på tvers av landegrensene innan EU/EØS.
Forordninga forpliktar alle medlemsland å innføre ei slik lommebok for borgarane. Fristen for EU-land er sett til november 2026. Frist for innføring i Noreg er foreløpig ikkje fastsett.
Tildelingbrevet til Digdir
I tildelingsbrevet til Digitaliseringsdirektoratet for 2025 framgår oppdraget knytta til lommeboka som ei av fire hovudprioriteringar :
- "Styrke arbeidet med digital inkludering, gjennom oppfølging av nasjonal eID-strategi og arbeidet med mellom anna digital lommebok og fullmaktsløysing (...)"
Gjennom dei nasjonale strategiane, handlingsplanane, og i tråd med internasjonale standardar som eIDAS 2.0, vil Noreg legge til rette for ein mer moderne og brukarvennleg digital kvardag for alle. Initiativet forventast ikkje berre å forbetre brukeropplevinga, men også å auke tilliten til offentlege digitale tenester og styrke handel og transaksjonar på tvers av landegrensene.