Etter lang og tru teneste - faktisk i 20 år – sløkker snart lyset i Altinn II. Driftsperioden for Altinn II er forlenga til juni 2026. Innan det må alle tenester reetablerast i arvtakaren Altinn 3, og avviklast i Altinn II. Denne datoen er endeleg. Verksemder som ikkje allereie er i gang med å planlegge flyttinga av tenestene sine må komme i gang så snart som mogleg.
Altinn er ei viktig fellesløysing for digital dialog mellom næringsliv, privatpersonar og offentlege etatar. Altinn blei etablert i 2003, og kom i ny utgåve i 2008 (Altinn II). No er leverandøravtalane utgåande og programvara er på slutten av livssyklusen sin.
Mange fordelar med ny plattform
Det er derfor heilt nødvendig med ei ny og moderne plattform for å ta hand om krav til sikkerheit, regulatoriske rammebetingelsar, etterlevinge av personvern og krav til GDPR - og ikkje minst tenesteeigarane sine funksjonelle behov.
I den nye utgåva av Altinn sørger ny arkitektur med open kildekode for at offentlege verksemder kan samhandle kostnadsinnsparande og digitalt, og at dei har tilgang til nødvendig fellesfunksjonalitet på ei langt meir fleksibel plattform enn tidlegare. Arbeidet med Altinn 3 er godt i gang, og 89 tenester er allereie reetablert på den nye plattforma.
Absolutt siste frist
Det er ikkje mogleg å forlenge støtta til den eksisterande plattforma etter juni 2026. Denne datoen er dermed absolutt og endeleg, og kjem ikkje til å bli flytta. Vi oppfordrar derfor alle tenesteeigarar til å fortsette eller begynne arbeidet med å flytte tenestene sine over til Altinn 3, slik at dei kjem på plass i god tid før Altinn II stenger. Tenester som ikkje er flytta innan fristen vil ikke lengre vere tilgjengelege.
Allereie flytta inn
Mange tenester er allereie flytta over til Altinn 3 – med dei fordelar det gir i form av ei moderne, fleksibel, sikker og brukarvenleg plattform. Tilbakemeldingane frå dei som allereie har flytta er positive. I blogginnlegget Samfunnsgevinster gjennom et felles økosystem kan du lese korleis Utdanningsdirektoratet (Udir) har opplevd flyttinga til Altinn 3.
«Altinn Studio har åpen kildekode og tilgjengelig produktkø og testmiljøer som gjør at vi i Udir enkelt kan bidra i utviklingen av fellesløsningen – og dermed slippe forsinkelser i egen leveranse og samtidig bidra til å løse andres behov på samme tid.
Meir informasjon
Du finn oppdatert informasjon om arbeidet med nye Altinn på prosjektsidene. Her kan du lese meir om kvifor og korleis Altinn blir modernisert, og om kva du som teenesteeigar eller systemleverandør må gjere.