Aldersverifisering
Den politiske ønsket om alderskontroll for sosiale media i Noreg spring ut frå ei bekymring for barn og unges sikkerheit og velferd i det digitale rommet.
Ein rapport frå Medietilsynet (2024) viste at sju av ti norske brukarar av sosiale medier er under 13 år som er aldersgrensa for å ha eigen brukar på Snapchat, TikTok, Facebook og Instagram.
Det er betydeleg politisk interesse for korleis dette kan løysast. I Støre-regjeringas politiske plattform framgår det at heving av aldersgrensa for bruk av sosiale medier skal prioriterast.
Skal bygge på lommeboka
EU-kommisjonen har starta eit arbeid med å utvikle ein mobilapplikasjon som lar brukarar av nettenester bekrefte alderen sin elektronisk for å få tilgang til aldersbegrensa innhald. Dette er omtalt som aldersverifisering.
Appen skal vere personvernvennleg og bygge på dei nye tekniske spesifikasjonane for den europeiske digitale identitetslommeboka. Dette vil bidra direkte til implementeringa av regelverket om beskyttelse av mindreårige gjennom Digital Services Act (DSA).
Digdir har fått i oppdrag å følge arbeidet som pågår i EU, og vurdere korleis det som blir laga kan takast i bruk i Noreg. Det er venta at appen frå EU er klar for bruk i nasjonalstatene i løpet av 2025.