Digdir vil i seinsommar og haust gjere endringar i eFormidling som krev oppdateringar hjå alle som brukar løysinga.
Formål med endringane
Endringane skal sikre at eFormidling:
- Held fram som ei trygg og sikker løysing også i framtida
- Fortset å fungere etter overgangen frå Altinn 2 til Altinn 3.
Kva betyr det for deg som kunde?
- API-et til integrasjonspunktet blir uendra, slik at eksisterande integrasjonar vil halde fram med å fungere.
- Migreringa skjer trinnvis og fleksibilet, slik at endringar kan gjerast i eige tempo (innafor overgangsperioden).
Endringane blir innførte i to steg
Dei planlagde endringane vert innført i to steg, og blir kalla Integrasjonspunkt v3 og Integrasjonspunkt v4.
Steg 1 Integrasjonspunkt versjon 3
Dette er ein frivillig, men anbefalt oppgradering. Planlagt lansering er seinsommar/haust 2025.
Viktige endringar er:
- Oppgradering til Java versjon 21
- Innføring av ei sikrast mogleg standardkonfigurasjon
- Innføring av transportsikring og autentisering for logg
- Fjerning av støtte for eFormidling 1.0 (BEST/EDU)
- Les meir om avviklinga her
- Fjerning av støtte for proxy-klienten til DPI
Kva må de som kundar gjere?
- Last ned og ta i bruk Integrasjonspunkt v3
- Gå gjennom konfigurasjonen, særleg med tanke på den nye standardkonfigurasjonen (ein kan velje "opt out" om ønskjeleg)
- Dersom du brukar Java-distribusjonen:
- Installer Java 21
- Sørg for at integrasjonspunktet startar med Java 21
Steg 2: Integrasjonspunkt versjon 4 (påkrevd)
Versjon 4 er planlagt lansert mot slutten av 2025.
Viktige endringar er:
- Alle punkt frå versjon 3
- Tilpassingar til Altinn 3
Kva må de som kunder gjere?
- Last ned og ta i bruk Integrasjonspunkt versjon 4
