Rett bruk av logo er viktig for å sikre god universell utforming og for å tydeleggjere at det er ID-porten som blir brukt til innlogging.
Mange brukar feil logo
Stikkprøver viser at mange verksemder brukar feil logo på sine nettsider. Mange nyttar ein gammal ID-porten logo og nokre brukar BankID sin logo/namn. Vi ber alle våre kundar sjekke sine tenester og sørger for rett bruk av logo.
Bruk av logo på nettsider og i appar
Det er viktig at logoen vert brukt korrekt og at retningslinjer vert følgde. Det er ikkje tillate å gjere endringar på logooriginalen. Fargegjengiving, proporsjonar og oppløysing skal brukast korrekt.
Når tenester nyttar ID-porten til innlogging er det alltid ID-porten sin logo som skal brukast. Det er ikkje høve til å bruke namn på enkelte e-ID-leverandørar eller bruke e-ID-leverandørane sine logoar.
Logo eller berre logosymbol (emblem)
Når det er praktisk mogleg ynskjer vi at logoen vert brukt i si heilheit, altså både logosymbol (emblem) og namnetrekk. I små flater vil logoen nokre gonger vere lite synleg og emblemet må gjere jobben aleine.
Dette er logoen som skal brukast, det er ikkje høve til å bruke eldre versjonar av logoar for ID-porten eller andre variantar av Digdir sine logoar.