Ved utgangen av mai var 5 380 029 innbyggjarar registrerte i Kontakt- og reservasjonsregisteret. Samtidig held talet på reserverte brukarar fram med å gå ned.
Jamn auke registrerte i Kontakt- og reservasjonsregisteret
Tala for mai viser at stadig fleire innbyggjarar har registrert kontaktopplysningane sine i registeret. Sidan juli 2025 har talet på registrerte brukarar auka med over 107 000.
Kontakt- og reservasjonsregisteret gir offentlege verksemder tilgang til oppdaterte kontaktopplysningar som mobilnummer og e-postadresse. Dette gjer det mogleg å kommunisere digitalt med innbyggjarane på ein trygg og effektiv måte.
Registrerte brukarar
Færre reserverer seg
Ved utgangen av mai var 158 423 innbyggjarar reserverte mot digital kommunikasjon frå det offentlege. Det er ein nedgang frå 169 605 i august 2025.
Utviklinga viser at stadig fleire ønskjer å ta imot informasjon frå det offentlege digitalt. Reservasjon betyr at innbyggjaren som hovudregel får brev frå det offentlege på papir i staden for digitalt.
Viktig fellesløysing
Kontakt- og reservasjonsregisteret er ei nasjonal fellesløysing som blir nytta av statlege og kommunale verksemder over heile landet. Registeret sikrar at offentlege verksemder har tilgang til oppdaterte kontaktopplysningar og informasjon om reservasjonsstatus når dei skal kommunisere med innbyggjarane.
Statistikk for alle våre løysingar
På statistikksidene finn du oppdatert statistikk for alle våre fellesløysingar.