Kontakt- og reservasjonsregisteret (KRR) hos Digitaliseringsdirektoratet (Digdir) støttar no oppslag på vegner av ei anna verksemd gjennom delegering i Altinn. Kunden gir sjølv leverandøren fullmakt, og leverandøren hentar token frå Maskinporten med organisasjonsnummeret til kunden. Den tillitsbaserte modellen blir fasa ut, og frå 28. februar 2027 må alle oppslag på vegner av kundar gå gjennom delegering i Altinn.
Kvifor endrar vi dette?
I dag gjer mange leverandørar oppslag i KRR på vegner av kundane sine gjennom ein tillitsbasert modell. Leverandøren oppgir sjølv kva kunde oppslaget gjeld (iss_onbehalfof).
Med delegering i Altinn styrer kunden tilgangen sjølv og vel kva leverandør som får gjere oppslag. Maskinporten sjekkar delegeringa i Altinn kvar gong leverandøren hentar token.
Kva betyr dette for dykk som leverandørar?
Gjer de oppslag i KRR på vegner av kundar, må de gå over til delegering i Altinn innan 28. februar 2027. Digdir tek direkte kontakt med leverandørane som gjer oppslag på vegner av kundar.
Delegeringa skjer med eigne scope, som gir dei same dataa som dei vanlege KRR-scopa:
| Delegeringsscope | Gir same data som |
|---|---|
| krr:global/kontaktinfo.read | krr:global/kontaktinformasjon.read |
| krr:global/postkasse.read | krr:global/digitalpost.read |
Oppslag som verksemder gjer for seg sjølve, blir ikkje påverka.
Slik kjem de i gang
- Kunden eller leverandøren tek kontakt med servicedesk@digdir.no og ber om tilgang til delegeringsscopa for kunden. Er de leverandør for fleire kundar, kan de sende ei samla liste med organisasjonsnummer.
- Kunden gir leverandøren fullmakt i Altinn. Sjå rettleiing for Maskinporten-administrasjon på altinn.no.
- Leverandøren legg delegeringsscopa på sin eigen Maskinporten-klient. Klienten må vere registrert på organisasjonsnummeret til leverandøren.
- Leverandøren hentar token frå Maskinporten med delegeringsscopa og set organisasjonsnummeret til kunden i
consumer_orgi JWT-grantet. - Leverandøren gjer oppslag i KRR som før, med det nye tokenet.
Fristar
- No: Delegering i Altinn er tilgjengeleg i produksjon.
- 28. februar 2027: Den tillitsbaserte modellen blir avvikla for oppslag på vegner av kundar.