Ein veldig spanande første konferansedag på Nokios er over. Eit godt faglig program, fullspekka av både læring og inspirasjon er stikkorda som går igjen.
Digdir er godt representert på Nokios, og vi tykkjer det er veldig kjekt å møte mange av våre kundar og leverandørar ansikt til ansikt.
Dagen starta med Digitaliserings- og forvaltningsminister Karianne Tung og eit sterkt panel fra offentleg og privat sektor, som tenkte høgt om digitaliseringsstrategien. Statsråden framheva viktigheita av sterkare styring og prioritering i digitaliseringa av Norge. Digdir-direktør Frode Danielsen fylgde opp med forsterka bodskap og behovet for eit vegkart for å realisera strategien.
Digdir på stand
Digdir sin stand har hatt mykje besøk, og mange er nysgjerrige på våre fellesløysingar. Særlig fokus har det vore på fyrlyktpris-nominerte Maskinporten. Den er ein av tre finalistar til prisen som vert delt ut under konferansemiddagen i kveld.
Mange spanande innlegg
Nokios er fullspekka med spanande innlegg, sesjonar og presentasjonar, der mellom anna Mari Jøndahl og Finnur Olafsson presenterte nye moglegheiter i Altinn og at dette bidreg til eit taktskifte i digitaliseringa.
Under kan du sjå ein bildekarusell frå dagen på Nokios.
Sjøfartsdirektoratet og Statens vegvesen hadde ein spannande sesjon om generativ Ki i offentlig sektor.
Mari Jøndahl og Finnur Olafsson på utstillarseminar om at nye muligheiter i Altinn bidrar til eit taktskifte i digitaliseringen
Digdir-direktør Frode Danielsen snakkar om at samarbeid er nøkkelen til suksess!
Mari Jøndahl og Finnur Olafsson svarte på spørsmål på Digdir sin stand.
Digitaliserings- og forvaltningsminister Karianne Tung åpnet årets Nokios