Dei siste skattemeldingane for 2024 er publisert og vi kan sjå tilbake på ein vellukka skattemeldingsperiode.
Status frå skattemeldingsperioden
I frå 13. mars til 3. april vart det publisert 10 puljar på tilsaman 5.545.470 skattemeldingar. Alle som har motteke skattemeldinga er blitt varsla på e-post eller sms, og i desse dagar vil dei som enda ikkje har opna skattemeldinga motta eit nytt varsel på sms.
Det har vore høg trafikk på ID-porten i skattemeldingsperioden med nesten 40 millionar innloggingar totalt og over 15 millionar innloggingar til skattemeldinga. Tysdag 18. mars var dagen med høgst trafikk, då hadde vi meir enn 2,8 millionar innloggingar i ID-porten og nesten 1,4 millionar av desse var til skattemeldinga.
For at publisering av skattemeldingar skal vere vellukka er vi avhengige av stabil drift på fleire av Digdir sine løysingar. Både ID-porten, Kontakt- og reservasjonsregisteret og Altinn har levert godt i perioden.