På Stimulab-dagen møter du forvaltning, leverandørar og partnarar som saman har skapt smartare, meir effektive og brukarsentrerte offentlege tenester. Sjå programmet og meld deg på her.
Stimulab-dagen 2025: Utred mindre, utforsk meir!
Forvaltninga skal løyse stadig meir samansette samfunnsutfordringar, samtidig som kommunane står i spagaten mellom statlege føringar, lovpålagde krav og forventningar om gode velferdstenester lokalt. Det krev samarbeid, nytenking og modig leiarskap. På Stimulab-dagen 2025 spør vi: Korleis går vi frå utfordring til handling?
Arrangementet skjer torsdag 25. september kl. 09:00–11:30, hos DOGA i Oslo og digitalt. Påmeldingsfrist er tysdag 23. september kl. 13:00.
Kvifor denne dagen er viktig:
Vi står midt i komplekse samfunnsutfordringar som krev samarbeid på tvers av sektorar. Stimulab‑dagen 2025 set søkjelyset på korleis offentleg sektor kan gå frå idé til handling — med mindre utredning og meir utforsking. No samlar vi forvaltninga, leverandørmarknaden og samarbeidspartnarar for å dele innsikt, erfaringar og konkrete eksempel på korleis vi saman kan utvikle smartare, meir heilheitlege og brukarsentrerte offentlege tenester.
Kva er Stimulab?
Stimulab er eit samarbeid mellom Digitaliseringsdirektoratet (Digdir) og DOGA, og skal stimulere til offentleg innovasjon sett frå innbyggjarane sitt perspektiv.
Tema for dagen:
- Kva skjer når vi set mennesket foran systemet? Med Lagmodellen har Stimulab-prosjektet til Trondheim kommune jobba tverrsektorielt og utfordra etablerte strukturar for å finne nye måtar å møte utanforskap blant menn.
- Stimulab lanserer Lagmodellen - til nytte for organisering på tvers. Presentasjon av Lagmodellen i praksis, og korleis den kan bidra til betre samarbeid og nye løysingar på komplekse utfordringar, med utgangspunkt i brukarane sine behov.
- Politidirektoratet: Når kunstig intelligens møter verkelegheita.
- Eit enklare Nav: Tillitsreformen og regelverksutveksling – saman og samtidig.
Panelsamtale: Korleis utfordre systemet innanfrå – og skape varig endring?