Den siste månaden har nokre kundar og leverandørar teke i bruk nye ID-porten, og nokre fleire er i gang i testmiljøet. Dette er bra, men vår magekjensle er at alt for få er i gang med planlegging og testing.
Det byrjar å haste
I løpet av dei neste 6 månadane skal fleire tusen tenester flyttast til nye ID-porten. Til no har 40-50 tenester migrert, så framleis er det veldig mange att. Det er viktig at de planlegg tidspunkt for flytting av OIDC-tenestene dykkar, gjer nødvendige endringar og testar at det fungerar. Akkurat no har vi god kapasitet til å hjelpe dykk om de skulle trenge det, men om alle utset flyttinga til slutten av perioden vil vi ikkje han ressursar til å bistå alle.
Webinar 6. juni
I morgon kan de delta på vårt neste webinar. I dette webinaret vil du få ein demo av ny funksjonalitet i nye ID-porten. Vi har og med oss Enova SF som var den første kunden på løysinga. Dei vil fortelje om sine erfaringar og dele nokre tips med deg som no skal i gang med denne jobben.
Har du ikkje anledning til å følgje webinaret i morgon, så vil du om kort tid finne opptak av webinaret på Samarbeidsportalen.
Forseinking i leveranse
Digdir har behov for å arbeide noko meir med nye ID-porten før vi går i ordinær produksjon med full SLA. Leveransen har vore planlagt ferdig 30. mai, men slik det ser ut no er vi i mål med dette i slutten av juni. Det er klart for alle som har ikkje-kritiske tenester å flytte over til nye ID-porten no.