31.12.23 er fristen for å flytte OIDC-tenester og API-klientar til nye ID-porten. Alle som har OIDC-tenester på gamle ID-porten må flytte desse før vi avviklar gamle ID-porten i første kvartal 2024.
Ein viktig milepæl
Tysdag 21. november var ein viktig dag for prosjektet, då ruta vi om all OIDC-trafikken til nye ID-porten. I tillegg migrerte mange av dei største tenestene denne dagen. Sidan då har vi hatt 90% av all trafikk på nye ID-porten, og det går strålande.
Siste innspurt
Før vi avviklar gamle ID-porten er det viktig at alle som har OIDC-tenester og API-klientar som framleis køyrer på gamle ID-porten migrerer desse. Tenester som ikkje vert flytta sluttar å fungere når vi skrur av gamle ID-porten.
SAML-proxy er klar i testmiljøet
SAML-proxy er no klar i testmiljøet. Alle som skal bruke SAML-tenester etter 23.01.24 må teste for å verifisere at tenestene vil fungere etter SAML-flyttinga.
Produksjonsmiljøet for SAML er klart
Produksjonsmiljøet er klart for dei som ynskjer å gå i produksjon før 23. januar. Då gjer de som følgjer:
- De må gå mot vår nye IDP: https://saml2.idporten.no/idp6
- Metadata for idp6 kan de laste ned her: https://saml2.idporten.no/idp6
- Vi bruker same sertifikat på idp6 som vi har på idp5
Dei som ventar til 23 januar vil automatisk blir ruta over til nye ID-porten og eksisterande IDP (idporten.difi.no-v5)
Det er altså ingen endring i våre metadata og sertifikat
OIDC-provider i test
8. januar kl. 09.00 slår vi av gammal OIDC-provider i test. Alle som går mot gammal OIDC-provider (https://oidc-ver2.difi.no/) må integrere seg mot nye ID-porten TEST (https://test.idporten.no).
Webinar
5. desember gjennomførte vi webinar nummer 8 om flytting til nye ID-porten. I dette webinaret gav vi dykk siste status og Norsk helsenett delte sine erfaringar frå då dei migrerte Helse norge.