Dette er Kontakt- og reservasjonsregisteret

Kontakt- og reservasjonsregisteret (KRR) er heimla i eForvaltningsforskrifta § 29 og Digitaliseringsdirektoratet er behandlingsansvarleg etter § 30 i forskrifta.

Kva kan registeret brukast til?

KRR har eit obligatorisk og eit frivillig bruksområde:

• KRR er den primære kjelda for innbyggaren sin digitale kontaktinformasjon, og skal brukast ved varsling om til dømes enkelvedtak og andre viktige meldingar (eForvaltningsforskrifta § 8 tredje ledd).
• For å kunne sende viktige brev digitalt utan samtykke, skal forvaltningsorganet sjekke innbyggaren sin reservasjonsstatus.
• Offentlege verksemder kan bruke KRR til å varsle innbyggaren på SMS eller e-post. Dette kan vere påminning om avtalar og servicemeldingar. Sjølv om ein er reservert mot digital kommunikasjon vil ein motta varsel.
• Informasjonen i registeret kan og nyttast i samband med sakshandsaming og utføring av forvaltningsoppgåver.

I samband med korona-pandemien varsla Helsedirektoratet og kommunar innbyggarane om smitteverntiltak på SMS eller e-post. Det same gjer skatteetaten til dømes når skattemeldinga er tilgjengeleg.

Slik fungerar Kontakt- og reservasjonsregisteret

Innbyggaren registrerer sine kontaktopplysningar i KRR. Verksemda gjer eit oppslag mot registeret, og hentar informasjonen der. Det vil sei at både innbyggar og verksemder har berre eit digitalt register å forhalde seg til.

Innhald i Kontakt- og reservasjonsregisteret

• fødselsnummer
• e-postadresse
• mobilnummer
• reservasjonsstatus
• adresse til digital postkasse valgt for mottak av digital post fra offentleg sektor
• språkval for elektronisk kommunikasjon
• krypteringssertifikat
• status
• sist verifisert og sist oppdatert

Kvar tredje månad vert innbyggar bedd om å stadfeste eller oppdatere kontaktinformasjonen sin. Det skjer ved innlogging i ID-porten. Den digitale kontaktinformasjonen kan ikkje nyttast om den ikkje er stadfesta eller oppdatert dei siste 18 månadane.

Ved oppretting eller stadfesting av kontaktinformasjon vert innbyggar bedd om å verifisere registrert mobilnummer og e-postadresse, dette for å stadfeste at informasjonen er korrekt og gyldig. Verifisert kontaktinformasjon er flagga for verksemder som gjer oppslag mot KRR.

KRR har funksjonalitet for varsling om duplikat kontaktinformasjon. Dette for å gjere innbyggar merksam på at kontaktinformasjonen hen er i ferd med å registrere allereie er i bruk av andre i KRR. Det er lov å gjere dette, og stundom kan det vere naudsynt. Duplisert kontaktinformasjon vert flagga for verksemder som gjer oppslag mot KRR.