Som i 2020 vart 2021 eit heilt spesielt og travelt år for fellesløysingane. Me ser meir og meir kor viktige tenestane våre er for samfunnet, noko som har vore ekstra synleg under pandemien.
Nye rekordtal for fellesløysingane
Kort fortalt så er det ei jamn auke på dei aller fleste fellesløysingane. Pilene peikar oppover, og det syner kor "vanleg" det er blitt å gjere kvardagslege oppgåver digitalt.
I eit land med godt og vèl 5,3 millionar innbyggarar så har me hatt 318 millionar innloggingar på ID-porten og 2,3 milliardar oppslag i kontaktregisteret siste året.
Store samfunnsgevinstar
Det gjekk nesten 23 millionar brev gjennom Digital postkasse til innbyggar. Det tilsvarar enorme besparelsar for samfunnet og miljøet!
