Kostnadsmodell for ID-porten
Kort fortalt er ID-porten kostnadsfri for verksemder med eit samla transaksjonsvolum under 200 000 per avrekningsår.
Laga: 05. oktober 2020
Sist endra: 19. desember 2024
Hensikta med kostnadsfordelinga er å:
- sikre at fordelinga vert opplevd som rettferdig
- generere minst mogleg administrasjon
- stimulere til bruk av ID-porten
- gi små kundar størst mogleg forutsigbarheit i si budsjettering
Prisen per autentisering for avrekningsåret 01.10.2023 – 30.09.2024 var 0,38 kr eks. mva og 0,46 kr inkl. mva. Kostnadar ved bruk av eID frå private eID-leverandørar skal vidareførast til kundane i samsvar med det som er fastsett nedanfor.
Finansiering
Bruk av eID frå private marknadsaktørar til autentisering i ID-porten og autentisering med MinID (eingongskodar på SMS) finansierast frå to kjelder:
- Kostnaden for autentisering i ID-porten med eID frå private marknadsaktørar, vert fordelt forholdsmessig mellom dei kundane som har eit samla transaksjonsvolum for autentisering i ID-porten over 200 000 pr. avrekningsår
- Digitaliseringsdirektoratet fakturerar kundar for autentisering med MinID (eingongskodar på SMS) i ID-porten, dette gjeld både i produksjonsmiljøet og i testmiljøet. Kostnadane vert fordelt mellom kundane som har over 200.000 autentiseringar pr. år. Fakturering skjer for avrekningsperiode 01.10.x0 til 30.09.x1 Faktura vert sendt ut i løpet av oktober/november x1 for heile avrekningsperioden. Kunden vert fakturert i EHF-formatet om ikkje anna er avtala. Kunden skal oppgi fakturareferanse.
Kvar einskild kunde må sjølv syte for naudsynt budsjettdekning.