Ny og forbetra utgåve av sjølvbetening

Det er ei stor glede å kunne fortelje at vi no lanserer ny versjon av sjølvbeteninga vår. Løysinga har gjennomgått ei full omskriving til ei meir framtidsretta og brukarvenleg løysing. Dagens løysing vart lansert i slutten av 2019, og med det kunne vi tilby kundar og leverandørar sjølvbetjening av klientar til bruk i blant anna ID-porten, Kontakt- og reservasjonsregisteret og Maskinporten.
Denne løysinga har no vore i drift i over 5 år, og sjølv om den har vore til god hjelp for brukarane våre, så har den ein del teknisk gjeld og forbetringspotensiale på brukarvenlegheit.

Basert på gode innspel frå kundane

I september sendte me ut ei spørjeundersøking til alle som hadde logga inn på sjølvbeteningsløysinga vår over ein gitt periode. Hensikta med undersøkinga var å skaffe oss innsikt i kva de som kundar meinte fungerte bra, og ikkje minst kva vi burde gjere betre. Vi fekk inn over 120 svar og som vi brukte vidare i prioriteringane våre. Tusen takk til alle som tok seg tid til å svare, og ein ekstra takk til alle dei som meldte seg som brukartestarar!

Kva blir nytt?

Det er ei rekke ting som blir nytt, utover at heile løysinga har fått ei kraftig oppgradering.

Tilgangsstyring

Vi ynskjer at det skal være lav terskel for å teste ting i sjølvbetjeninga vår, samtidig som vi ser oss naudsynt å ha betre kontroll på kven som får bruke løysinga.
I den eksisterande løysinga, så har ein brukt ein kombinasjon av «Felles brukarhandtering» og Ansattporten.

I den nye løysinga brukar vi kun Ansattporten til innlogging, både i test- og produksjonsmiljøet.

For deg som ikkje har rettigheit på vegne av verksemda, men som berre vil sette opp ein ID-porten eller Ansattporten klient for å teste, så kan du logge inn med syntetisk ID. Då loggar du inn med Ansattporten som vanleg, men du vert tilknytta eit tilfeldig syntetisk organisasjonsnummer.
Kva gong du loggar inn, så vil du representere det same organisasjonsnummeret. Du vil og få mogelegheit til å bytte til eit anna syntetisk organisasjonsnummer inne i løysinga.

Sjekk mot bruksvilkår

Vi har no lagt inn automatisk sjekk av bruksvilkår før oppretting av ny klient. Det betyr at verksemda du representerer må ha signert dei relevante bruksvilkåra før du får oppretta klient på det organisasjonsnummeret.
For leverandørar som skal opprette på andre organisasjonsnummer enn sitt eige, så må då kunden ha signert dei relevante bruksvilkåra. Dersom opprettinga skjer på ei undereining, så må hovedeininga ha signert bruksvilkår.
Sjekken vert utført mot kundesystemet vårt, så dersom opprettinga feilar, så ta kontakt med servicedesk@digdir.no

Støtte for fleire språk

Den nye løysinga tilbyr både norsk (bokmål) og engelsk brukargrensesnitt.

I tillegg er det støtte for både lys og mørk fargemodus.

Kva må de som kundar gjere?

De som kundar treng ikkje å gjere noko for å ta i bruk den nye løysinga. Den vil ligge på same plass på Samarbeidsportalen som tidlegare, og det vil vera ein saumlaus overgang frå gammal til ny løysing.

Kva skjer framover?

Først og fremst gledar vi oss til å lansere den nye versjonen, deretter har vi ei heil rekke forbetringar på blokka, som vi håpar å rulle ut litt fortløpande.
Nokre av planane:

• Eiga side med oversikt over kva scopes verksemda har tilgang til, og kva scopes ein har fått delegert frå andre.
• Hendelseslogg på klient. Oversikt over kven som har utført endringar på klientane.
• Enkel statistikk, for å sjå om klientar faktisk er i bruk
  
  Opplever du problem med den ny løysinga eller om du har forslag til nye funksjonar, så er det bere å ta kontakt på servicedesk@digdir.no