Offentlege verksemder treng innbyggar sin digitale kontaktinformasjon for å sende viktige brev eller varsel elektronisk. Verksemder som nyttar Kontakt- og reservasjonsregisteret bør oppmode innbyggarane om å halde informasjonen i registeret oppdatert.
Offentlege verksemder hentar innbyggar sin digitale kontaktinformasjon frå Kontakt- og reservasjonsregisteret (KRR). Oppdatert informasjon i registeret er avgjerande for at informasjon sendt ut frå offentlege verksemder kjem fram. Dette gjeld til dømes informasjon om enkeltvedtak, varsel om tidspunkt for koronavaksine eller informasjon om prøvesvar på Helsenorge.no. Feilregistrering i registeret vil kunne ha betydelege samfunnsmessige og praktiske konsekvensar.
Innbyggar held ved like
Det er innbyggarane sjølve som registrerer og held ved like sin digitale kontaktinformasjon. Det er difor viktig at verksemder som nyttar KRR informerer om viktigheita av å halde informasjonen i registeret oppdatert. Rettleiing til korleis innbyggarar kan oppdatere sin kontakinformasjon finn ein på norge.no/digital-borgar/oppdater-kontaktinformasjon.
Gunn Cecilie Timberlid Hundere
Forfattar
